قلنا لحالنا بالعربي ماعم تفهم الناس .. بركي بالحلبي بيفهمو
كل فترة وفترة بينطلنا واحد عم يحشك بسما حلب وأخت حلب والحلبية جبناء .. والحلبية خونة
رح بقلو وقف شوي لقلك لأنو هالحكي رح يخلينا نكفر بسورية وبالثورة والعروبة
قبل ما أبدى حديثي .. رح بقلكن انا عمي آْعدموه بسجن تدمر أيام الأخوان وخالي قتل بمداهمة وآعمامي البقية آمضوا نص حياتهم بالسجن هاد أيام الثمانينات
هلآ نص أولاد عمي بالسجن بسبب المظاهرات
وأنا متلي حلبية كتار على نفس السيرة
حلو هالكلام .. بعد شوي بنط واحد بقلك الحلبية جبناء ماعم يطلعو مظاهرات
لكان حبيبي تل رفعت وكفر نبل وعندان وحريتان هدول من وين أخي ؟
صلاح الدين من وين ؟
الصاخور من وين ؟
الجزيرة مباشر نصف بثها على تل رفعت وعندان
بنطلك واحد تاني بقلك هدول مو من فسط حلب
هدول من الأطراف ..
والنعم والله بس شو فارقة معك من وين
ليكون محسب بدا تطلع من جنب قصر المحافظ .. ولا قريب همبرغر بباي
ولا مركز المدينة اللي مافيو مناطق سكنية آصلا فقط مكاتب ومحال تجارية ومستودعات
ماعم تسمع انو المظاهرات عم تطلع بأكثر من ٤٠ نقطة ..
حلب يا ثوار هي ثائرة متلكن وبنفس الدم وبنفس الروح ..
وتجربتنا في الماضي خير دليل ولا شو قبل تلاتين سنة كنا شجعان وهلأ عالبيض المقلي صرنا جبناء
بس بحلب ماصار قتل .. معظم المظاهرات قمعت بالهراوات والغاز المسيل للدموع والدكة بالسجن
لذلك أخباربقية المحافظات غطت على أخبارنا
بعدين نص الحلبية أخونجية للعظم وكانو بالتنظيم المسلح للأخوان لذلك هنن ما بيأمنو غير بالثورة المسلحة
لأنو بيعرفو شو معدن هالنظام ومدى شراستو وما بتنفع معو الوسائل السلمية
فأخواني الثوار لا تخلو الأفكار السلبية تسيطر عليكن لانو هالثورة رب العالمين هو اللي عم يقدرها كيف تعيش
ويمكن الو حكمتو بالشي يلي عم يصير هلآ
نقاط التظاهر في حلب