المُندسّة السورية: عقلة الأصبع

البوطي يتمنى أن يكون اصبعا في يد حسن نصر الله لأنه جاهد اليهود
طيب ليش ما تروح تجاهد يا شيخ …أي تذكرت ولي الامر ما أعلن الجهاد… شو حسن نصر الله استنى رأي ولي امر لبنان قبل ما يجاهد..يعني إذا الجهاد دون إذن ولي الأمر زابط معناها انت زلمة عم تتحجج بولي الأمر ولا خرج جهاد ولا شي…إذا لا معناها جهاد حسن نصر الله كلو على بعض ما لو طعمة حسب رأيك..

بعدين دخلك مين قال أنو عم يجاهد …الزلمة قاعد تحت الحراسة المشددة اربع وعشرين ساعة خوفا من الاستشهاد..انت سمعت شي مرة حدا قال لك انو حسن كان بالجبهة…

طيب فينا نستنتج إنو تصريحك هاد رسالة سياسية كونو الزلمة معك بالهوا سوى في حب بشار… وما لو علاقة لا بجهاد ولا باستشهاد ولا دين….

على كل لا تهتم ولا تحتار انت لساتك جدير برتبة أصبع… ولو ما أنت اصبع بايد بشار..الزلمة صحيح ما اعلن الجهاد على اليهود… بس اعلن الجهاد على الارهابيين وانت الشهادة لله ما قصرت بنوب لتكون اصبعا له في هالمجال..

بس شيخي انت سمعت شي مرة انو أعلى الجهاد مرتبة كلمة حق في وجه سلطان جائر.. مستني موافقة حدا شيخنا هاي ما بدها موافقة ولي الأمر ولا شي..أعظم جهاد وبين أيديك فرصة تاريخية لحتى تنهي حياتك بجهاد واستشهاد…بس بدها ناس لم تستمرئ مداهنة المستبدين عقودا..

Bave Gernas