إيران تدعو مواطنيها السفر إلى سورية جوا بعد تكرار اختطاف زوار
———————————
الخبر أعلاه مثال لاستجحاش الشعب …السوري تحديدا …و العربي بشكل عام …و يمكن يمكن الايراني …بس ما بظن …يعني عال أغلب هالبيان موجه للاستعمال السوري …على أعتبر بتضل أيران كنظام بتحترم شعبها يمكن بشكل أكبر من أنو تستجحشو بهالطريقه …..
بيان السفارة الايرانيه في دمشق يا سادة يا كرام طلع منشان نقول إنو …..إنو شو.. …إنو ولله يا معلم …مزبوط…تاري الأسرى الايرانيين فعلا مدنيين ….ليكهم الجماعه مطلعين بيان تنبيه و رز بحليب ……
طيب…… في بلد بالعالم كلو بتحترم حالها بينخطف منها ناس “مدنيين” بتقوم قال بدل ما تنصح جميع مواطنيها بتجنب السفر إلى البلد يلي عم يتعرضوا فيه للخطف…. بتصدر بيان إنو دخيل عينكون سافرو بالجو …بلاها الروحة عن طريق البر….
ماشي معلم….إنو الله يقوي ايمانكوم ما حكينا شي ….
على كل حال طالما إن شاء الله كل “المدنيين” الايرانيين رح يلتزمو بهالتعمييم …فالشعب السوري ما عندو مشكله معهم بل بالعكس أهلا و سهلا ….أصلا “العتبات المقدسه” معروف وين هي …و من عندي كمان إذا بمون عالجيش الحر (لحظه لالبس شي غرافه)… فكل الطرقات من منطقة البحصه و المرجه و كل فنادق الايرانيه إلى هل عتبات المقدسه رح تكون بردا و سلاما….يعني شباب الجيش الحر ما رح يقربو عليكم….هي منشان الحريه
طيب طالما اتفقنا ….معناها كل ايراني رح يتواجد على الأرض بأي مكان تاني في سورية هو حرس ثوري منيح هيك…و هي منشان الشهيد …..
إيه و في بعد شغله …يعني هيك رجاء صغير إذا بمون عالايرانيه (لحظه لاشلح الغرافة) يعني….مو تسلبوها على ربنا و تجو بنص اللعبه تقولولنا إنو ولله لما كنتو عم تقولو عن طريق الجو ما حددتو إذا كان طيران مدني أو عسكري …ما حلوه …ولدنه هي بصير أسمها …يلا ….طيرو …..
RaymondO
View Original