من كذا يوم رجعت عزابي…بعد مشاكل مع بيت حماي بسبب أختها لخطيبتي…..واحد من رفقاتي حكالي أنو هيك أحسن….النسر يلي بل الأسر مو متل الطاير وفارد جناحاتوا…شي من الحكاه أعتبرتوا صح كوني عم حاول واسي نفسي… صار عندي وقت أكتر لتابع أخبار أو أقرا مقالات هون بالمندسة…
الشي يلي لفتلي أنتباهي بعد رجعتي لهون…. نوعية المقالات…وحتى التعليقات….يمكن الدم السوري المسفوك بلش يأثر فينا….. تغيرت التوجهات وتغير نوع التفكير….. العقلانية راحـت….. بتذكر كيف كنى و وين صرنا…. بتذكر كتير من الكتاب يلي كانوا هون ويلي مقالاتهون قلت أو أختفت…. مو كل الناس فيها تتحمل الضغط النفسي متل بعض…..الموت بلش ياخد أثروا فينا……
الحياة…………بيقولوا الحياة ألها نهاية متل ما ألها بداية……الحياة عبارة عن قطار ونحنى منطلع بمحطة ورح ننزل بمحطة….يمكن تطول ركبتنا بالقطار…يمكن تقصر…في ناس بينزلوا بنفس المحطة يلي ركبوا فيها…… أحياناً لما بتكون قاعد ما بتلاقي غير هالقطار وقف وقلك المعاون بعد أذنك نزول…..الحياة عبرة عن ومضة… لحظة….قعود شوي وفكر بالخمسة وعشرين سنة يلي عشتها أو التلاتين أو الأربعين… وهم…سراب… يمكن كمشة أحلام ضايعة….. وكمشت لوات…لو أشتريت…لو ماتركتها تفلت من أيدي…لو سافرت ….لو كملت دراستي….لو..لو..لو….بس أكتر شي ممكن يخطر ببالك هن الأشباح يلي أسمهون رفقاتك… رفقاتك بأيام الدراسة..رفقاتك بالشغل.. الشلة القديمة…..وين بيكون محمد شو بيكون هلق صار في… تجوز ياترا…صار عندو ولاد….ولا حسن.. كتير كان مئذي بزمناتوا… أسماعيل لسعتوا عايش ياترا بعد ما تطوع بالجيش والا نشق…….
الأمل……انا من الناس يلي بسمي الأمل بالكذب على النفس…..يمكن كوني عقلاني أكتر من كوني عاطفي واحد من الأسباب….تابعت كتير أخبار بهاليومين ونبسطت متل كتير عالم بالأخبار الحلوة يلي عم بسماعها….بعدين طلعت برا البيت….كان في مسيرة…متل العادة المسيرات كترانة هالأيام….من كتر الحب الموجود فينا لبشار …صار لازم كل يوم نطلع بمسيرة…..
خواريف……قطيع الغنم توجه للساحة متل العادة…. سمعت بأخبار الأورينت انو موظفين يلي بالمسيرة……أنا مو بالعاصمة بس بعرف أنو حكيون صح…..هون المسيرة شبه عفوية…..تفكير جمعي……حماس شباب…..مراهقين…..أكتر من سبب للواحد يطلع بمسيرة……….سورية بخير…الخطاب التاريخي…..شكر على الفيتو….الخطاب التاريخي….شكر روسيا…..خطاب تاريخي ……رفض المؤامرة…..شكر روسيا والصين……. مسيرت اليوم كانت لتحية الوفد الروسي…..
تاريخ…..بذكر مسيرات أيام المدرسة ….مسيرات أعتزاز بأمجاد سابقة….أمجاد حرب تشرين …..أمجاد الحركة التصحيحية….دائماً بحس أنو نحن السوريين ناس منتعتز بتاريخنا لدرجة أنو نسينا مستقبلنا….. بتمنى عيش أيام هارون الرشيد…..أيام الفتح الأسلامي….الأندلس بناها العرب.. حي تشرين كمان والطبالة…..مع هيك الأسبان طالعونا من أراضيهم….عاملونا كأحتلال….متل ماعملنا الأحتلال الفرنسي .. ثرنا ضدو وكافحنا لطالعنا من بلدنا وبلشنا بسورية الديمقراطية… سورية المستقبل….. هالحكي صروا 66 سنة………هلق صار كفاحنا التاني…..كفاحنا الجديد ضد الأحتلال الجديد……الأحتلال الأسدي….يمكن هلق صار وقت نصنع تاريخنا ونبلش مستقبلنا…..مستقبلنا يلي صار تاريخ…… تاريخ ضايع…..الأمل شي حلو حتى لو كان كذب……. الأمل هو يلي وصلنا لهون……والأمل هو يلي رح يخلينا ننتصر…….بس يمكن أهم شي أنوا يرجع الأمل للناس يلي ضيعيتوا……للناس يلي منظر الدم أثر فيها وغيرلها تفكيرها….لأن بدونو يمكن كان لازم نضل ببيوتنا ونعتز بأمجادنا……. حرب تشرين …………………..
Cane
View Original