المُندسّة السورية: حرب شيعية ايرانية روسية ـ سنية عربية اميركية

ابو محمد الحسكاوي

—————————————

مخاوفنا اصبحت حقيقه
نعم
الموضوع طلع اكبر مننا و نحنا بس الوقود لمخطط اكبر مننا بكثير.
المعركه ستكون على ارض سوريا و لكن السوريين لن يكونو سوى ادوات لروسيا و اميركا و ايران و السعوديه مشان يشوفو مين بدو يسيطر على سوريا.
كان من المستحيل لاميركا ان تقبل نفوذ ايراني يمتد من افغانستان الى البحر الابيض المتوسط.
و كان من المستحيل للسعوديه تقبل بالسيطره الايرانيه على المنطقه.
ما تفهموني غلط.ثورتنا هي ثوره سوريه ضد الظلم و القمع و الفساد بس للاسف طلع الموضوع اكبر مننا بكتير بسبب موقع سوريا الاستراتيجي و بسبب التحالفات القذره يلي قام بها نظام الاجرام الاسدي مع ايران و روسيا.
ببساطه ما رح نقدر لحالنا كشعب انو ننهي نظام مجرم متل نظامنا ,مسلح للعظم و مدعوم من ايران و روسيا.مستحيل.لحالنا مستحيل.
اميركا تركتنا نتعذب كل هالفتره مشان نركض نطلب منها المساعده و لما قول اميركا بشمل دول الخليج معها.
هلق بدون يساعدونا و نحنا بدنا المساعده لانو لحالنا ما فينا عالنظام بس للاسف التمن رح يكون غالي.
حرب طاحنه رح يتدخل فيها كل من له مصلحه و رح تقوم القيامه.
طبعا الحق اولا و اخيرا على عصابة الاجرام الاسديه لانه لو رضي يتنازل لشعبو و يعمل مرحله انتقاليه و انتخابات حره و يحمل حالو و يمشي من الاول كان وفر علينا و على حالو و على جماعتو كل هالدمار,بس ما رضي.
بشار قالها من الاول,يا انا يا الدمار و هادا يلي رح يصير.الدمار.
بشار عم يقدم اخر خدمه لاعداء سوريا بتدميرها قبل ان يمشي. ما كفاه خمسين سنة سرقه و نهب و افقار البلاد و العباد و ترجيعنا ميت سنه لورا,صار بدو يدمر البلد على مبدا يا انا يا الدمار.
للاسف نحنا كشعب ما ساعدنا على ابقاء الثوره سوريه خالصه و ذلك بسبب تخاذل الاغلبيه الساحقه من الشعب السوري بسبب الخوف,خصوصا اهل حلب و الشام.
لو اهل حلب و الشام قامو وقفة رجل واحد ضد النظام كان انتهى من زمان و ما كنا بحاجه لتدخل اجنبي و بالتالي خراب البلد بس لسبب او لاخر ما قدرنا نضم اغلبية الشعب السوري النا. ما قدرنا .و هدول يلي ما قامو رح يدفعو التمن غالي بسبب تخاذلون,تمن اكبر بكتير من التمن يلي كان ممكن يدفعو لو قامو كلهون ضد النظام من الاول.
حان وقت تكسير راس ايران و منعها من السيطره على المنطقه و امتلاك اسلحه نوويه و الطريق الى تدمير ايران يمر عبر دمشق و الضاحيه.هيك بيفكرو الاميركان,و بيجوز معون حق.
ببساطه,استغلو ثورتنا المحقه المشروعه لاكمال مخططون بضرب ايران او تقزيمها و نحنا الحق علينا لانو بتخاذل اغلبيه الشعب خلينا بلدنا تحت رحمتهون و اضطرينا نبوس الايادي ليساعدونا.
يا لسخريه القدر.
عدونا الاميركي رح يساعدنا.و طبعا التمن رح يكون باهظ.
الله جازانا لانو خذلنا حمص و درعا و ادلب و ريف دمشق,بس خصوصا حمص.
لانو اغلبيتنا الساحقه لسا قاعده ببيوتها عم تنتظر الفرج,و النظام عم يستفرد بالاقليه يلي عم تطلع.
برجع بقول,الحق علي كل الدمار يلي رح يصير هو عالنظام المجرم بالدجه الاولى و التانيه و التالته,بس كمان تخاذلنا عن نصرة اهلنا كان سبب مهم جدا بيلي رح يصير.
لك الله يا سوريا.
سامحينا يا سوريا.