كتر خيرهم مالهم مجبورين

دائماً و أبداً تُولدُ الإشاعاتُ من رحمِ الغموضِ ، أو من دهاليزِ الحسد …ِ

قبل البدء : من بشاعة البشر افتراضهم  السوء بأغلبية الأمور التي يجهلوها، مما يجعلنا نتقل من خسارةٍ إلى أخرى و تتعفن أرواحنا .

و هنا عندما نسافر مع الأعمال الرحبانية يظهر تفرّدهم واضحاً من خلال عرضهم الدقيق و المذهل لشرائح متنوعة من الناس و بطريقة رقيقة و حتى  و لو كان أصحابها شخصياتٌ ليس جيدة في المجتمع .

 و الغريب الملفت و الأكثر من رائع في عمل الرحابنة  آلية طرحهم لفكرة الإشاعات السلبية و التي تكبر ككرة الثلج حيث يطرحوها بشكل غير لطيف منبهين الناس لحجم أذيتها بطريقةٍ غير مؤذيةٍ .

إنَّ “حكاية الأسوارة ” عمل تلفزيوني ( تمثيلية)  قصته بسيطة تبدأ بأغنية للفتاة

عليا ” فيروز ” فتُعجب بصوتها سيدة عجوز معها سلّة ثقيلة ، فتصرّ عليا على مساعدتها في حمل السلّة إلى بيتها ، و عندها تقدم لها السيدة العجوز “إسوارة ” كانت تخبئها ،و طلبت منها أن تعود لعندها في اليوم الثاني ، و عندما رجعت الفتاة إلى قريتها و شاهد الناس أسوارتها.

استفسروا عن مصدرها و أرادت أن تحتفظ بالسرِّ لنفسها 

فقالت لهم أنّها من ” كرم العلالي ” و ذهبت

و هنا بدأت الإشاعات تنتشر عن عليا ، فكلفوا سبع ” فيلمون وهبي ” بمراقبتها

لتنتهي القصة بمعرفة العجوز بوجود سبع و بعض أهلي الضيعة يتلصصون عليهما فتفتح السيدة البيت و تدعوهم ليجتمعوا في بيتها و يغنوا جميعاً .

و هنا نلاحظ الاستثنائية حيث تجمع القصة بين البساطة اللامتناهية و القيمة من حيث طرحها لفكرة شائكة و هي افتراضنا السوء و السلبي في أيّ موضوع لا نعرف تفاصيله ، مما يجعل أرواحنا بيئة خصبة ليس لصناعة الإشاعات فحسب بل حتى تصديقها .

 و نلاحظ في الخلاصة الواقعيةِ و العفويةِ المذهلتين في طرحهم لموضوع اجتماعي هام المتمثّل بحب الفضول و افتراض الالتباسية بأيّ أمر يجهلوهُ و تلفيق الإشاعات و تناقلها .

و في الحقيقية هذا الموضوع من المواضيع التي تدلُّ على خلل روحي تراكمي في مشاعرنا و علاقتنا مع الآخرين .

و في الخلاصة لنحارب سوء نيةِ و أذية من حولنا بالحب … و الحب فقط

   معلومات عن  العمل :

 حكاية الاسوارة

بطولة فيروز و فيلمون وهبي و نخبة من الفنانين

 تم تصويره عام  1962
الأغاني  :
 1 –  وطى الدوار
1 –  بيتك يا ستي الختيارة
3 –  يا كرم العلالي “فيلمون وهبه”
4 –  رقصة الغيرة
5 – يا محلى ليالي الهوى
6 – شو عم تحكوا
7 –  استعراض الدكان
8 – هونيك في سجرة
9 – يا ريت
10 – سعيدة يسعد مساكن

و دمتم مفعمين بكل أسباب النقاء و دوماً الياسمين

أسامة شاش 

تأخرنا قليلاً بطرح مفاجأة سوني التي تحدثنا عنها قبل أيام من الآن، ولكن سبب التأخير هو أن سوني بالأساس لم تقم بعرض المفاجأة مباشرةً، وإنما قامت بعرض مؤقت زمني (كما فعلت سامسونج قبل طرح S III) ولكن باسلوب مبتكر وتفاعلي مع المتابعين.

حيث في الموعد المحدد كتبت سوني على صفحتها:

The clock is ticking, only YOU & your friends can make it tick faster! Check out the link & hit the button to fast forward time – on a scale of 0-10, how much do you want to see the new Xperia smartphone? http://bit.ly/Xperia-FF

فقد اعتمدت سوني على تطبيق قامت بعمله ضمن الفيس بوك، الهدف منه تحديد موعد عرض المفاجأة تحت رغبة المتابعين! كيف سيحصل ذلك؟
الفكرة تعتمد على أمرين مرتبطين ببعض، مسابقة وفائز بالإكسبيريا الجديد (كما ذكرت سوني)، والمساعدة في تقديم موعد عرض الإكسبيريا الجديد أيضاً، فباشتراكك بهذا التطبيق، سيصبح بإمكانك المشاركة في الإجابة على أسئلة بسيطة بحيث كلما أجاب أشخاص أكثر، سيقترب موعد عرض المفاجأة أكثر وأكثر، فالأمر يعتمد على الأشخاص واهتمامهم بذلك، كما أنه في حال أجبت على هذه الأسئلة الأربعة، ستدخل على سحب للحصول على هذا الجهاز ربما (لم أتأكد تماماً ما المقصود بـ We’ll keep our fingers crossed for you and will let you know shortly who the lucky winner is.)، ولكن غالباً يتحدثون عن هدية ستقدم لأحد المشاركين في هذا التطبيق.

يبدو الأمر معقد قليلاً، ولكن لكي يتّضح لك بشكل كامل، قم بزيارة التطبيق الخاص به وشارك بتقليص الوقت المتبقي للكشف عن هذه المفاجأة، فقد كان الوقت المحدد بشكل رسمي للكشف عن المفاجأة هو 22 يونيو/حزيران، والآن الموعد أصبح 20 يونيو/حزيران، وكلما شارك أشخاص أكثر ستقل المدة المحددة!

لا نعلم إن كان هذا الإكسبيريا الجديد هو جهاز قد سبق وتم الحديث عنه مثل LT29i المعروف باسم Hayabusa الخاص بالسوق اليابانية وسيتم طرح نسخة منه لباقي أنحاء العالم، أم هو جهاز متوسط الأداء ولأصحاب الدخل المحدود، ربما أمر آخر لم نتوقعه أبداً، فالأمر ما زال مجهولاً!.
وبالتأكيد إذا كنت تريد معرفة هذه المفاجأة فشارك عبر تطبيق الفيس بوك لتساهم بتقليص المدة الزمنية.

ربما تنجح سوني بعمل ضجّة عن طريق هذه الفكرة كما فعلت سامسونج منذ فترة ليست بالبعيدة بخصوص جلاكسي S III، وكانت الأخيرة قد كتبت The Next Galaxy، وها هي سوني تكتب Next Xperia!
وهنا أسألك، هل أنت متحمس لهذا الأمر؟ وهل ستشارك في التطبيق؟ أم أنك وجدت هذه الفكرة غير عملية ولم تجذبك أبداً كما حصل لدى البعض عند إعلان سامسونج الشهير.

[phandroid]

أحاول أن أستبدل رؤياها بتذكّرها.. وأتحايل على عيناي وقلبي.. وأواسي روحي ببقايا ذرات من شفاهها ما زالت عالقة على شفاهي..
ينهكني شوقها تارة.. وتجتاحني أحيانا رغبة عارمة بعناقها دون ارتواء..
سرعان ما أنكفئ حينما ألقاها.. لها هيبة ورهبة تشبهان الحب..
وفي المساء أقرأ كلماتها المعلقة بالغيوم..  .. فأعود لتلك الرغبة في لقاها البتة..
وأستعين بذاكرتي لأستنهض أشلاء صور لما بين عينيها وشامات وجهها وابتسامة لطالما رأيتها الأروع..
ثم ألتهي بأي شيء.. وأي شيء يستفزني لأربطه بها..
فجأة.. أشعر أن عليّ مشاهدة أي صورة رسمتها.. أي منديل لمسته.. أي حرف كتبته.. أي قصيدة نسجتها..
أجعل نفسي المعني.. وأشعر بنشوة الفارس المنتصر والظافر بأميرة أحلامه..
ثم ينتابني ذاك السؤال..
لماذا أحبها..؟؟
وفي لحظة تتراءى أمامي أربعون ألف إجابة..
وفي اللحظة التي تليها تتلاشى كل الإجابات..
وتبقى إجابة واحدة..
“أحبها لأني أحبها..”

.

.

مواضيع ذات صلة:

• تفاح….وهذيان وخمر وعطر..
• أنثاي الكاملة..
• موعد… في البُعد الثالث
• دورة حياة شوقي..
• هل أنت نجمة..؟
• سرّ الاقتراب..

صفحة المدونة على الفيسبوك

http://www.facebook.com/mahermon.wordpress

وينك يا أردني …دخيل عينك …في كلمتين بدي احكيون معك ركزلي شوي الله يرضى عليك …..وعيرني سمعك …

إنتي أخي وحبيبي ونور عيني ..عم اسمع كلام شروي وغروي ما مزبوط بحقك وما برضالك ياه….وصار كتير هالايام …شي عم يقولو وضع أهلنا الضيوف عندكون ما مزبوط ..شي عم يقولو إنو في حالات استغلال كتير ومعاملة سيئة ..شي المساعدات ما عم توصل ..وآخر شي حكومتكون الرشيدة الله يديم ظلا عم تمنع السوريين من دخول الأردن بشكل تعسفي ….

مشان كون منصف من البداية حكيي مانو موجه أكيد للنشامى والنخوجية والأبضايات يلي بخافو من الله وحافظين العهد والود من أهل الأردن الأكارم …وعم يسعو بأخوانن السوريين وما عم يقصرو بدعمن ……أكيد لاء هدول ع العين والراس …وجهدون مشكور وعم ندعيلون بظهر الغيب …

حكيي موجه لكام آدمي ما عم يتصرفو مزبوط ….حبيت احكيلي جوز كلام أخوي معون …

ليك عيني اسماع منيح …نحنا كنا عايشين وقاعدين متلكون وأحسن منكون كمان قبل بيت الأسد وبعدون بالرغم من كل الفساد يلي عملو ….والسوري من يوم يومو ابن عالم وناس وما بيرميا واطية إلا ليلي خلقو …وهاد يلي طالعنا ….عرفت شلون …طلعنا مشان كرامتنا وعزتنا …واحدنا الدم بيغلي براسو ومعد يستحمل عيشتو إذا انهان أو انمست كرامتو … أكيد بتعرف إنو حمص طلعت نخوة لدرعا ..ودرعا طلعت مشان ولاد زغار انهانو وانحكى كلام ما مزبوط مع أهلون ..وبعدا سوريا كلا شعلت فزعة ونصرة لهالأحرار …..

عرفت شلون خيي شغلتنا شغلة نخوة وكرامة وعزة نفس ….فبدل ما تعيننا وتنصرنا وتوقف جمبنا جاي عم تسكر البواب بوجهنا …يا إخص ويا باطل ويا حيف ……..لك نحنا إخوات وولاد عم وجيران وقرايب …بتسكر بابك بوجهنا …يا باطل ع الجيرة..لك ما هاد العشم لا والله ..لا والله ما هاد العشم …في ناس عندا أشغال جاي تقضيا ..في ناس عم تتابع تعليما أو تجارتا ..في ناس بدا تفيز للسفر للخليج ….في ناس مرضى ..في عالم عندا مواعيد لعمليات جراحية …

شلون هيك بتترك العالم ملحوشين بالمطار والمنافذ البرية وما بتخليون يفوتو ع البلد تبعك يقعدو ويرتاحو ويقضو أشغالون .. .وليش المطمطة والإهانة والذل ………ما عيب عليك يا ابن النشامى ..يا أبن الأصول ترد ضيفك ….ما بالك إذا كان الضيف أخ ورفيق وعشرة عمر …فما بالك إذا كان ضعيف وخيفان ومطلوب ….وقصدك واحتمى فيك وقلك مالي غيرك بعد الله …….

لك شوو هاد ..والله العظيم مستغرب ..شو هالتصرف الأجقم هاد …من شو خيفان وع شو …وإذا كانت حكومتك الرشيدة اتخذت هيك قرار أرعن وعم تطبقو ..إنتي ليش ساكت …وينك يالنشمي يا ابن الأردن يا ابن الاسلام يا ابن الأصول والمكارم …..وين صوتك تعنرض وتردون لطريق الصواب …احكي احتج …اكتوب بالمنتديات والصحافة والمقالات ..طلاع ع التلفزيونات .. اتصل ع الإذاعة …..قول هدول أهلي وما بهون عليي يصير فيون هيك ..حميل حالك وطلاع ع المطار قلون أنا بدي استضيف ناس سوريين ببيتي …متل ما كنا نعمل نحنا من قبل مع ضيوفنا وإخواننا وقت يصير عندون مشاكل ……حط حالك ومرتك وبناتك محلنا .,…أسألك بالله لو صاير فيكون هيك لا قدر الله (الله يحفظلكون أمنكون وأمانكون ما منتمنالكون إلا كل خير الله بيشهد ) …بس لو صاير فيك هيك ..كنت بتتوقع إنو السوريين يخذلوك …….لا ورب الكعبة ….رجاع شوي زغيرة لورا بالتاريخ شوي زغيرةما كتير ..شوف شلون فتحنا بيوتنا وقلوبنا ودورنا ومزارعنا ومدارسنا لأهلنا العراقيين ولأخواننا اللبنايين ولأحبابنا الفسلطيين ..واحدون ما كان يحس حالو إلا ببيتو بين أهلو ……….فهل جزاء الاحسان إلا الأحسان ……..

كلي ثقة إنو هالوضع ما رح يدوم ووضع السوريين بالأردن رح يتحسن …لإنو في ناس حرة ونخوجية بتخاف الله ما رح ترضى عن هالوضع ورح تتحرك وتحكي وترفع صوتا ورح ينصرونا ويعينونا متل عهدنا فيون بإذن الله عز وجل…
ما لازم يبقى الوضع هيك ..عيبة كبيرة هاي بحقنا وبحقكون …رب العالمين اختاركون لتنالو شرف إكرام الضيف وإغاثة الملهوف ..فلا تخسرو هالفضل الكبير وهالشرف العظيم … والشغلة كلا بإذن الله مؤقتة قرب الفرج علينا بإذن الله مانا مطولة … ..والله في عون العبد ما دام العبد في عون أخيه …بدنا همتكون يا شباب ….والله الموفق ….إنشالله مرت الجاي بكتب مقالة بتشكر فيها نشامى الأردن وأبضاياتا ع وقفتون الكبيرة معنا وبتكون الأأوضاع اتحسنت بإذن الله عز وجل …….

———————–

حمصي لسا عندو عشم بأهلو النشامى بالأردن …
أبو ميشاكو

القشة يلي بدي أحكي عنها اليوم ليست القشة التي قسمت ظهر البعير …و إنما القشة تبع الغريق …. فالمثل الشعبي بيقلك “الغرقان بيتعلق بقشة” …. هلأ أي أنسان منطقي ممكن يراهنك إنو هالقشه ما رح تنقذ هل غريق …. بس أكيد هالانسان رح يفهم العاطفة يلي عم تخلي الغرقان يحاول يتمسك باي شي … القصة قصة حياة و موت بالنسبة الو … و ما فيك تفهمو قواعد الفيزياء بهل لحظة …أصلا عيب عليك يكون الزلمه عم يغرق و إنت واقف على راسو و بدل ما تلاقي شي خشبة تلحشلو ياها عم تصرخ من على الضفة و تقلو “لا تعذب حالك القشة ما رح تنفعك” …. بس في ظروف بتحتم عليك تعمل هالشي …. عود أحكيلك هالقصة يلي مالك فيها ….

بالأربعينات من القرن الماضي انطلقت خمس طيارات من قاعدة جوية ب فلوريدا بطلعة تدريبية باتجاه الشرق فوق المحيط الأطلسي على أساس يفوتو بحدود 100-150  كيلو جوة المحيط و بعدين يتحركو باتجاه الشمال بعدين يحملو حالهم و يرجعو عال قاعدة … هل طلعة المعروفة باسم “flight 19 ” أصبحت لاحقا من أشهر الطلعات الجوية الأمريكية لأنو الخمس طيارات يلي شاركو فيها انفقدو و ما ألتقى لهم أثر …و طبعا كانت هالحادثه مصدر الهام لكتاب الخيال العلمي يلي بنو على أساسها لغز “مثلث برمودا” …

طبعا السبب الحقيقي لفقدان الطيارات الخمسة ما لو علاقة بقوى خارقة أو ظواهر مدهشه …و إنما أظهرته التسجيلات بين قائد السرب و محطة المراقبة بالقاعدة …. باختصار قائد السرب أتصل ب محطة المراقبة و قللون إنو إنتهى من الطلعة و هو فوق أرخبيل فلوريدا …بس ما عم يقدر يحدد وين القاعدة …. محطة المراقبة كانت متأكدة إنو مستحيل يكون فوق أرخبيل فلوريدا و طلبت منو يطير باتجاه معين ليختبرو قوة أو ضعف أرسل جهاز اللاسلكي مع طيرانو بهل أتجاه و على أساسه يحددوا إذا فعلا هو فوق فلوريدا … يلي اكتشفوه إنو   الزلمه فوق جزر الباهاما و إنو مختلط عليه الأمر  و فكر إنو فوق فلوريدا …. طلبت منو محطة المراقبة إنو يدور و يرجع يتوجه عكس الجهة يلي طاير فيها …إلا إنو عقلو ما استوعبو إنو يعمل هيك …. كان في حالة ذعر نتيجة ضياعه و قرب نفاذ الوقود بالطائرات و نتيجة احساسه إنو إذا طار بالاتجاه المعاكس بيكون عم يطير باتجاه المحيط لأنو أرخبيل فلوريدا تحته …. تجاهل قائد السرب تعليمات محطة المراقبة …. لأنو ما وثق فيهم … حياتو هو كانت على المحك … و بالتالي القرار قرارو هو … و عمل يلي براسو …فكتب نهايتو و نهاية كل السرب يلي معو لما خلص الوقود و تحطمت طياراتهم  بالبحر ….

——————————————–

هللق شو دخلنا بهل سيرة ؟؟؟ القصة بكل بساطة إنو ما فيك تهاجم واحد عم يغرق و عم يحاول يتعلق بقشة إلا إذا …إلا إذا كنت شايف إنو في طريقة أفضل لتنقذ حياتو….بس هاد لحالو غير كافي ….لأنو بدك هالشخص يثق فيك و يسلمك رقبتو … ما في إنسان عم يغرق مستعد يترك القشة لأنك عم تطلب منو… إلا إذا كان واثق فيك … واثق فيك لدرجه إنو يحط حياتو بين إيديك …. هو بينو و بين حالو بيعرف إنو بالنهاية القشة ما رح تفيدو …بس بتضل أفضل من ولا شي … و خصوصي إنو هو يلي أختارها …. أما إنت فشو ب يضمن له إنو يكون فعلا عندك حل؟؟ ….

هي مشكلتنا …..

هون الحساسية المفرطة عند البعض لما حدا بيقول الجيش الحر لن يستطيع تغير موازين القوى…. مو مستعد يسمع هالشي منك … لأنو ما شاف منك شي مفيد …. باختصار ما ورجيتو شي يخليه يوثق فيك … بالعكس كل ما حكيت هيك كل ما بيكرهك أكتر ….

و مع علمي بكل ما سبق…. و مع فهمي التام لتعلق البعض بالجيش الحر …في شغلت بدي أحكيها ….

ما ألها أي علاقة بما يقال عن إنتظام أو عدم إنتظام الجيش الحر …أو تشتته أو تنوع قيادته …

و ما ألها أي علاقه بما يشاع عن بعض عناصر الجيش الحر أو من يحسبون على أنهم من الجيش الحر أو من يدعون أنهم ينتمون للجيش الحر …

و ما ألها أي علاقه بما يشاع عن طائفية بعض أفراد الجيش الحر … أو ما يشاع عن وجود عصابات لا علاقة لها بثورة تدرج نفسها تحت مسمى الجيش الحر …..

كل ذلك لا يهمني هنا …. و أنا أحترم الجيش الحر و أعتز به و أقدر شجاعته و كل ما يفعل للدفاع عن الشعب الأعزل …. لكن بالعودة الى تاريخنا الحديث ….أسوق لكم باختصار تجربة لبنانية

—————————————-

عندما دخل الجيش السوري لبنان …. كان له مؤيدين …. لكن كان له معارضين في كل حقبة …و كان لمعارضيه دوما ميليشيات مسلحة قاومته على طول الخط و أنزلت به خسائر لا تعد ولا تحصى …. من المليشيات ألفلسطينة و تحالفها اللبناني اليساري – الدرزي ….الى مليشيات ألكتائب و القوات المسيحية …مرورا بمليشيات حزب الله (نعم اشتبك حزب الله مع  السوري في مرحلة ما في لبنان ) و إنتهاء بالجيش اللبناني / عون …. إنتشر الجيش السوري على رقعة كبيرة من لبنان …و حاصر قرى و مدن كاملة …قصف بيروت و الجبل بالمدفعية و الدبابات و حاصر جونية و زحلة و جوعها لأشهر حيث كان الاهلي يتزودون بالطعام عن طريق التهريب ….

لم تستطع المليشيات  رغم أسلحتها المتنوعة و الدعم اللا محدود بالسلاح و المال من إسرائيل الى العراق الى فرنسا و أمريكا …أن تحسم شيء

لم تغير تلك المليشيات أي معادلة عامة…ظلت بلا أدنى شك شوكة في حلق النظام الى أنها لم تحرمه النوم ….حتى مع اضطرار الجيش لانتشار على مساحة واسعة …حتى مع دخول الأسرائيلي لبنان …. حتى مع ما جرى من أحدث أمنية في سورية خلال نفس الحقبة ….

لم يؤثر كل ذلك على الوضع الميداني .. ظلت الغلبة للوجود العسكري السوري …الذي لم يردعه شيء عن القتل و القصف و الخطف و التعذيب …..

……

طيب ما لم ينجح في لبنان …. ما هي حظوظ نجاحه في سورية ؟؟ الجيش الحر للأسف ليس حلا …و لا يستطيع تحقيق أي حل في المعدلة العامة …. قد يحمي المدنيين هنا و هناك …لكنه لن يحرر سورية مهمة عزمت قوته و مهمة تدفق عليه السلاح….

انسوا خطر التسليح و إنتشار السلاح في البلد… انسوا خطر الحرب الأهلية … انسوا الطائفية التي يحاول النظام أيقاظها…. دعو كل تلك المخاطر خرج حساباتكم …. ستجدون أنه حتى عند ذلك لن يكون الجيش الحر فعلا هو الجواب ….

عليكم أن تفكرو بما حرر لبنان فهو ما سوف يحرر سورية

RaymondO

Continue reading »

تتردد في الأوساط السورية أنباء عن انتصارات كاسحة للقوات السورية وعن فقدان مسلحي المعارضة السيطرة على مساحات واسعة في حمص وإدلب وحلب وغيرها.

موقع الحقيقة التابع لنزار نيوف (والذي له صلات بالمخابرات السورية) يقول أن مسلحي المعارضة هزموا في حمص وفروا باتجاه الرستن، وهناك أيضا حديث في الإعلام السوري عن تحرير الحفة وحريتان وغيرها من البلدات.

أنا أميل لتصديق هذه المعلومات لأنها تتوافق مع حالة التوتر البادية في التعليقات الغربية. التصريحات الغربية في اليومين الماضيين كانت متوترة للغاية بما في ذلك تصريحات النعل بان كي مون وعصابته، وهذا التوتر يدل على أن ما أنجزته مهمة عنان قد أصبح في مهب الريح وأن ميزان القوى يعود إلى ما كان عليه قبل بدء مهمة عنان.

طبعا التصعيد السوري مفهوم سياسيا لأن هذه مرحلة ميتة بالنسبة لأميركا بعد أن اصطدمت بالرفض الروسي لعرضها الأخير القاضي بتجريد سورية من السلاح مقابل وقف دعم أميركا وأتباعها للإرهاب.

الرفض الروسي للعرض الأميركي خلق فراغا سياسيا واضحا، خاصة وأن مهمة عنان شارفت على نهايتها، وبالتالي كان من الطبيعي أن تستغل السلطة السورية هذا الفراغ لتحقيق مكاسب ميدانية.

التصعيد العسكري السوري سوف يستمر إلى أن يتم عقد المؤتمر الذي دعت إليه روسيا. أميركا الآن في وضع حرج لأنها إن رفضت المؤتمر الروسي فهذا سيعني استمرار مكاسب النظام السوري الميدانية وإن قبلت بالمؤتمر الروسي فهذا سيعني نكسة سياسية. هي في وضع لا مخرج منه سوى بمحاولة إحباط انتصارات النظام السوري الميدانية، ولهذا السبب رأينا التصريحات الغربية التهويلية خلال اليومين الماضيين والتقرير الذي أصدرته الأمم المتحدة بالأمس. وزير خارجية بريطانيا تحدث عن أن الوضع في سورية يشبه الوضع في البوسنة وأميركا أكدت ذلك وحذرت من “مجزرة” في الحفة وهددت الضباط السوريين بمحاسبتهم، وهناك أيضا تصريحات الأمم المتحدة المتسارعة والتصعيد في التقارير والاتهامات. كل هذا التوتر الإعلامي يعكس المأزق الميداني الذي تعيشه المجموعات المدعومة من أميركا داخل سورية.

لا يستبعد أن تقوم أميركا قريبا بخطوة عسكرية تصعيدية. ربما يتم فبركة مجزرة جديدة أو حدث إعلامي صاخب. ربما حتى يتم تزويد المسلحين بأسلحة غير مسبوقة. لا يوجد لأميركا حاليا شيء تفعله سوى تصعيد من هذا النوع وإلا فإن خسائرها ستستمر. كل يوم يمر الآن هو خسارة كبيرة لأميركا لأن الوضع الميداني يميل لمصلحة السلطة السورية.

View Original

مجزرة القبير .. وغيرها من المجازر الفظيعة اللي عملتها عصابات الشبيحة بدعم وتسليح وتغطية من النظام وأزلامه .. ما لازم نكتفي بالقول انها من فعل النظام , المسؤولين عن هالمجزرة لازم ينعرفو ويتوصفو بالإسم .. ، الهدف من هيك إجرام انو تفوت سوريا بدوامة الفوضى ليقدم النظام نفسه باعتباره القادر على ضبط الأمن في البلد .. المجزرة مو حماقة ولا غباء من النظام ، النظام اللي نجح بالصمود أمام ثورة شعبه أكتر من سنة مو نظام غبي ، وزرع الرعب والطائفية والرغبة في الانتقام الأعمى سلاح فعال في ايد النظام ، وحرف الثورة عن طبيعتها وهدفها وتوريطها في صراعات دينية وطائفية ومناطقية بتخدم النظام المجرم وبتحققله على الأقل مبرر لتمديد فترة دعسه على السوريين وامتصاصه لخيراتن.
النظام متورط بهالمجازر .. سواء كان هو المرتكب يعني بإيدين الجيش والشرطة والأمن أو كان مسهل ارتكاب الجريمة يعني الشبيحة عاملينها بعلم النظام وحتى بالتنسيق معه متل ما صار بالحولة مثلا ، هلق ازا ماكان النظام على علم أو تورط بهالمجزرة هادا ما بيعفيه من مسؤولياته لأنو النظام متل ما عم يدعي هو السلطة بسوريا وهو المسؤول عن حماية المواطنين ، وبما انو النظام ما عمل شي لمنع هالجرايم أو الحد منها .. وبما أنه متورط فعليا فيها فهادا بيعني انو واجب اسقاطه هو الرد الأنسب أو خلينا نقول هو الحل الوحيد لإنقاذ سوريا .. و السقوط الأخلاقي  للنظام  سواء بالتغطية والإنكار عن المجزرة .. هادا لحالو جريمة بتستاهل يتحاكم عليها رؤساء ووزراء .

هلق شو لازم نعمل ؟

أول  شي .. استمرار وتصعيد العمل الثوري السلمي .. السلمية هي الرد على العنف والطائفية .. والإجرام ما لازم يتقابل بالإجرام .. وطبعا السلمية ما بتعني أبدا الاستسلام .. التصعيد الثوري السلمي لازم يشمل عدا عن المظاهرات والإعتصامات والإضرابات وتوزيع المنشورات وقطع الطرقات والشخوطة ع الحيطان .. كمان بيعني العصيان المدني والمقاومة المدنية السلمية بكل أشكالها ومو أقلها نسف قواعد النظام وأركانه الاقتصادية والأمنية والسياسية ، السلمية لسا ما استنفذت والثورة السورية لليوم سلمية بنسبة أكتر من 90% والمناطق الثائرة لازم تكون نار بتحرق الظلم والفساد .. ما رح نسلم حالنا للدبح .. أرواح السوريين كتير غالية.

تانيا : هون بقى بيجي شغل الجيش الحر .. وخصوصا في المناطق اللي فيها تداخل ديمغرافي يعني وجود مؤيدين شرسين للنظام على أساس طائفي ومستعدين يعملو هيك جرائم .. الجيش الحر اليوم هو السطلة الشعبية الثورية المسلحة الوحيدة بالنسبة إلنا ودعمه واجب على كل السوريين لأنه هو الضمانة لعدم الإنجرار للأسوأ ومتل ما يقال أنو “القتل أنفى للقتل” .. هالمجرمين لازم يتحاسبو .. منعرف تماما مين هنن ومن أي مكان إجو وإذا عجزنا عن محاسبتهن بالقانون وإزا كان القانون لعبة بإيد النظام الساقط المجرم وسيف مسلط ع رؤوس الشرفاء فمو معناها انو ينتركو بحالهن .. نزوح السوريين وهجرتهن مو حل أبدا.. وطبعا الثأر الأعمى مو حل .. الحساب والعقاب مبدأ إنساني لتحقيق السلام والعدل ببلدنا وهالشي من أهداف الثورة الأبرز وبتأيده كل الدساتير والقوانين الشرعية والوضعية , القاتل يقتل “ولكم في القصاص حياة” . الجيش الحر بوضعه الحالي ما بيلبي طموحاتنا .. وللأسف تشتت كتائبه وضعفهن بمجال التنظيم والإدارة والتسليح لا يخفى على أحد .. قيادات الجيش الحر وأعضائه اليوم أمام امتحان وتوحيده وتنظيمه وتسليحه ركيزة وضمانة أساسية لإنقاذ سوريا .. ما عم بحط من قدر أو بطولة أو تضحيات الجيش الحر وبتمنى ما ينفهم كلامي بإطار الاستجداء من الخارج أيا كان لدعم جيشنا الثوري .. نحنا قادرين كشعب حر  على اسقاط النظام وقادرين على حماية شعبنا وكسر اليد الآثمة اللي تمتد له بسوء بأحرار جيشنا  وبدون ما يتدخل فينا حدا.

تالتا و ع الجانب السياسي : المجلس الوطني كمان أمام مسؤولية تاريخية .. ما بيكفينا دعوته للسورية لخوض معركة التحرير ولا أقنعني كل كلام أعضائه المنمق عن الثورة ودعمها .. الدعم لازم يكون بالأفعال موبالأقوال .. للأسف انهمك المجلس الموقر بحروب كلامية مع هيئة التنسيق والمعارضات التانية .. وللأسف قصر المجلس الموقر كتير بدعم الجيش الحر .. وللأسف ما قدر المجلس الوطني يقدم نفسه للسوريين وللعالم كبديل مقنع عن النظام .. وهادا ما أضعف الثورة بس كمان ما فادها بشي ملموس .. المطلوب من المجلس كتير ومعروف للكل .. انو يرجع للداخل ويدعم ثوارنا ويوقف معنا ويحسسنا انو مجلس لخدمة السوريين في صراعهن ضد الدكتاتورية وإرهاب الأسد وكلامه .. اليوم نحنا بحاجة لقيادة سياسية ثورية موجودة كل مقوماتها عند المجلس ومتل ما قلت إنو اسقاط النظام هو أسرع طريقة وأسلم طريقة لإنقاذ البلد وأهلها وإذا فشل المجلس الوطني بهالدور فما رح يوقف ثوار سوريا عنده .. الثورة عم تفزز قياداتها وتنسيقيات الثورة ولجانها بكل المدن والأحياء عندها من الوعي والوطنية ما يكفي للعب هالدور واللي نجح انو يقوم بهالثورة العظيمة ويستمر فيها مو عاجز عن الاستمرار وإسقاط النظام وقيادة البلد نحو الحرية والديمقراطية والعدالة مهما طال الزمن وكبرت التضحيات.

View Original